'வேட்டையன்' ரிலீஸ் தேதி எப்போது? - ரஜினி ரசிகர்கள் ஆர்வம்

2024ம் ஆண்டில் அடுத்த சில மாதங்களில் வெளியாக உள்ள சில முக்கிய படங்களைப் பற்றிய ரிலீஸ் அப்டேட்டுகள் வெளியாகி விட்டன. ஆனால், ஒட்டு மொத்த திரையுலகமும், ரசிகர்களும் எதிர்பார்க்கும் ஒரே படமாக இருப்பது 'வேட்டையன்'. ரஜினிகாந்த் கதாநாயகனாக நடிக்கும் இப்படத்தை தசெ ஞானவேல் இயக்கி வருகிறார்.

அமிதாப்பச்சன், பஹத் பாசில், ராணா, மஞ்சு வாரியர், ரித்திகா சிங், துஷாரா விஜயன் மற்றும் பலர் இப்படத்தில் நடிக்கிறார்கள். இப்படத்தை அக்டோபர் மாதம் வெளியிடுகிறோம் என்று மட்டும் தயாரிப்பு நிறுவனமான லைகா ஏப்ரல் மாதம் அறிவித்தது.

அக்டோபர் 10ம் தேதி சூர்யா நடிக்கும் 'கங்குவா', அக்டோபர் 31 சிவகார்த்திகேயன் நடிக்கும் 'அமரன்' ஆகிய படங்கள் வெளியாகிறது என அறிவித்துவிட்டார்கள். அதனால், 'வேட்டையன்' படத்தின் வெளியீட்டுத் தேதியை தயாரிப்பு நிறுவனம் உடனே அறிவிக்க வேண்டுமென ரஜினி ரசிகர்கள் ஆர்வத்துடன் இருக்கிறார்கள்.