அஜித்தின் விடாமுயற்சி : அஜர்பைஜான் படப்பிடிப்பு நிறைவு

மகிழ்திருமேனி இயக்கத்தில் அஜித் குமார், அர்ஜூன், திரிஷா, ரெஜினா, ஆரவ் உட்பட பலர் நடிப்பில் உருவாகி வந்த படம் விடாமுயற்சி. அனிருத் இசையமைக்கும் இந்த படத்தின் படப்பிடிப்பு தொடர்ந்து அஜர்பைஜானில் நடைபெற்று வந்த நிலையில், தற்போது இறுதிகட்டப் படப்பிடிப்பு முடிவடைந்து விட்டதாக அது குறித்த வீடியோ மற்றும் புகைப்படங்களை எக்ஸ் பக்கத்தில் வெளியிட்டுள்ளது லைகா நிறுவனம்.

இருந்தாலும் இன்னும் சில நாட்கள் ஐதராபாத்தில் உள்ள ராமோஜிராவ் பிலிம் சிட்டியில் படப்பிடிப்பு தொடர்பான பேட்ச் ஒர்க் நடைபெற இருப்பதாகவும் கூறுகிறார்கள். விடாமுயற்சி படம் தீபாவளி வெளியீடு என அறிவித்திருந்தார்கள். ஆனால் படப்பிடிப்பு முடியவில்லையே என்ற பேச்சு எழுந்ததால் ரிலீஸ் தள்ளிப்போகலாம் என கூறப்பட்டது. தற்போது படப்பிடிப்பு முடிந்துவிட்டது. இதையடுத்து இறுதிக்கட்ட பணிகள் தொடங்கப்பட்டு தீபாவளிக்கு விடாமுயற்சி படம் கண்டிப்பாக திரைக்கு வந்து விடும் என்பது தெரிய வந்துள்ளது.