கேம் சேஞ்சர் படத்தின் ரிலீஸ் எப்போது? - தில் ராஜூ தந்த அப்டேட்

ஷங்கர் இயக்கத்தில் கமல் நடித்த இந்தியன் 2 படம் சமீபத்தில் திரைக்கு வந்ததது. அடுத்தபடியாக ராம் சரண் நடிப்பில் ஷங்கர் இயக்கி உள்ள கேம் சேஞ்சர் படம் திரைக்கு வரப்போகிறது. தற்போது இறுதிக்கட்டப் பணிகள் நடைபெற்று வரும் இப்படத்தில் ராம் சரணுடன் கியாரா அத்வானி, ஜெயராம், சுனில், எஸ்.ஜே.சூர்யா, அஞ்சலி உட்பட பலர் முக்கிய வேடங்களில் நடித்திருக்கிறார்கள். இந்நிலையில், கேம் சேஞ்சர் படத்தின் தயாரிப்பாளரான தில் ராஜூ அப்படத்தின் ரிலீஸ் குறித்த ஒரு அறிவிப்பு வெளியிட்டுள்ளார். அதில், இந்த 2024ம் ஆண்டு கிறிஸ்துமஸ் பண்டிகைக்கு கேம் சேஞ்சர் திரைக்கு வருவதாக அறிவித்திருக்கிறார்.