டாக்சிக் படத்தில் இணைந்த மற்றொரு பாலிவுட் நடிகை

மலையாள இயக்குனர் கீது மோகன்தாஸ் இயக்கத்தில் கே.ஜி.எப் பட புகழ் யஷ் தனது 19வது படமாக 'டாக்சிக்' என்கிற படத்தில் நடித்து வருகிறார். இப்படத்தை கே.வி.என் நிறுவனம் தயாரிக்கின்றனர். யஷ்ஷிற்கு அக்கா கதாபாத்திரத்தில் நடிகை நயன்தாராவும், கதாநாயகியாக கியாரா அத்வானியும் நடித்து வருகின்றனர். இவர்கள் அல்லாமல் இன்னொரு ஒரு முக்கிய கதாபாத்திரத்தில் பாலிவுட் நடிகை ஹூமா குரேஷி நடிக்கின்றார்.

இந்த நிலையில் இதில் இரண்டாம் கட்ட கதாநாயகியாக மற்றொரு பாலிவுட் நடிகை தாரா சுடாரியா நடிப்பதாக தற்போது தகவல் வெளியாகியுள்ளது. இவர் ஹிந்தியில் ஸ்டுடண்ட் ஆப் தி இயர் 2, ஹீரோபன்டி 2, அபூர்வா உள்ளிட்ட படங்களில் நடித்துள்ளார். நிறைய டிவி நிகழ்ச்சிகள் மற்றும் ஆல்பங்களிலும் தோன்றியுள்ளார்.