விஜய் படத்தில் ஸ்ருதிஹாசன் பாடல்

வெங்கட் பிரபு இயக்கத்தில் விஜய் நடிப்பில் உருவாகி வரும் திரைப்படம் ' தி கிரேட்டஸ்ட் ஆப் ஆல் டைம்'. பிரசாந்த், பிரபுதேவா, ஜெயராம், மைக் மோகன், சினேகா, லைலா, அஜ்மல், மீனாட்சி சவுத்ரி உள்ளிட்ட பலர் முக்கிய கதாபாத்திரங்களில் நடிக்கின்றனர். ஏ.ஜி.எஸ் நிறுவனம் தயாரிக்கும் இப்படத்திற்கு யுவன் சங்கர் ராஜா இசையமைத்துள்ளார்.

படப்பிடிப்பு முடிந்து கிராபிக்ஸ் உள்ளிட்ட போஸ்ட் புரொடக்ஷன் பணிகள் விறுவிறுப்பாக நடைபெற்று வருகிறது. ஏற்கனவே இந்த படத்திலிருந்து இரண்டு பாடல்கள் வெளியானதைத் தொடர்ந்து இப்போது மூன்றாவது பாடல் தி கோட் படத்திலிருந்து வருகின்ற ஆகஸ்ட் முதல் வாரத்தில் வெளியாகிறது. இந்த பாடலை நடிகை ஸ்ருதிஹாசன் பாடியுள்ளதாக கூறப்படுகிறது. ஏற்கனவே ‛புலி' படத்தில் விஜய்யுடன் இணைந்து நடித்த ஸ்ருதிஹாசன் அந்த படத்தில் இடம் பெற்ற ‛ஏண்டி ஏண்டி...' என்ற பாடலை பாடியுள்ளார் என்பது குறிப்பிடத்தக்கது.