சித்து - ஸ்ரேயா காம்போவின் கம்பேக்

திருமணம் என்கிற தொடரில் இணைந்து நடித்த சித்து - ஸ்ரேயா இருவரும் ஒருவரையொருவர் காதலித்து திருமணம் செய்து கொண்டனர். அதன்பின் தனித்தனியே சில சீரியல்களில் நடித்து வந்த இருவரும் தற்போது மீண்டும் திரையில் ஜோடியாக கம்பேக் கொடுத்துள்ளனர். ஜீ தமிழில் ஒளிபரப்பாகவுள்ள புதிய தொடரான வள்ளியின் வேலன் என்கிற தொடரில் ஹீரோவாக சித்துவும், ஹீரோயினாக ஸ்ரேயாவும் நடிக்கின்றனர். திருமணத்திற்கு முன்னதாகவே இவர்களது கெமிஸ்ட்ரிக்கு நல்ல வரவேற்பு கிடைத்து வந்த நிலையில் தற்போது ரியலிலும் ஜோடி ரீலிலும் ஜோடி என ரசிகர்களின் எதிர்பார்ப்பு அதிகரித்துள்ளது. அண்மையில் வெளியாகியுள்ள வள்ளியின் வேலன் தொடரின் புரோமோவுக்கும் ரசிகர்களிடம் அதிக வரவேற்பு கிடைத்து வைரலாகி வருகிறது.