வேட்டையன் படத்தின் இசை வெளியீட்டு விழா அப்டேட்

ஞானவேல் இயக்கத்தில் ரஜினிகாந்த் நடிப்பில் உருவாகி வரும் திரைப்படம் 'வேட்டையன்' . இதில் ரஜினியுடன் இணைந்து அமிதாப் பச்சன், பஹத் பாசில், ராணா டகுபதி, மஞ்சு வாரியர், ரித்திகா சிங், துஷரா விஜயன் உள்ளிட்ட பலர் முக்கிய கதாபாத்திரங்களில் நடிக்கின்றனர். லைகா புரொடக்சன்ஸ் தயாரிக்கும் இப்படத்திற்கு அனிரூத் இசையமைக்கிறார்.

ஏற்கனவே இதன் படப்பிடிப்பு முழுவதும் முடிவடைந்து கடந்த சில வாரங்களாக டப்பிங் பணிகள் நடைபெற்று வருகிறது. கடந்த சில நாட்களுக்கு முன்பு இப்படம் அக்டோபர் 10ந் தேதி அன்று திரைக்கு வருகிறது என அறிவித்தனர்.

இந்த நிலையில் வருகின்ற செப்டம்பர் 20ம் தேதி அன்று வேட்டையன் படத்தின் இசை வெளியீட்டு விழாவை சென்னையில் உள்ள நேரு உள்விளையாட்டு அரங்கில் பிரமாண்டமாக நடத்த திட்டமிட்டுள்ளனர் என தகவல்கள் வெளியாகியுள்ளது.