செப்டம்பர் 27ல் ஹாட் ஸ்டார் ஓடிடியில் வெளியாகும் வாழை

மாமன்னன் படத்தை அடுத்து மாரி செல்வராஜ் இயக்கத்தில் கடந்த ஆகஸ்ட் 23ம் தேதி திரைக்கு வந்த படம் வாழை. கலையரசன், நிகிலா விமல், திவ்யா துரைசாமி உட்பட பல சிறுவர்களும் முக்கிய வேடங்களில் நடித்தனர். சந்தோஷ் நாராயணன் இசை அமைத்திருந்தார். உண்மை சம்பவத்தை அடிப்படையாகக் கொண்டு உருவான இந்த படம் ரசிகர்கள் மத்தியில் பெரிய அளவில் வரவேற்பு பெற்றது. முதல்வர் மு.க.ஸ்டாலின், ரஜினி, கமல் உட்பட பலரும் இந்த படத்திற்கு பாராட்டு தெரிவித்தார்கள். இதன் காரணமாக சிறிய பட்ஜெட்டில் உருவான இந்த படம் பெரிய அளவில் வசூல் சாதனை செய்தது. இந்த நிலையில் தற்போது செப்டம்பர் 27ம் தேதி வாழை படம் ஹாட்ஸ்டார் ஓடிடியில் வெளியாக இருப்பதாக அறிவிக்கப்பட்டுள்ளது.