சிவாஜி - விஜய் பட தலைப்பில் அர்ஜூன் தாஸ் - அதிதி படம்

அறிமுக இயக்குனர் விக்னேஷ் ஸ்ரீகாந்த் இயக்கத்தில் முதன்மை கதாபாத்திரத்தில் அர்ஜூன் தாஸ், அதிதி ஷங்கர் இருவரும் இணைந்து நடித்து வந்தனர். தற்போது இந்த படத்திற்கு 'ஒன்ஸ் மோர்' என தலைப்பு வைத்துள்ளதாக பர்ஸ்ட் லுக் போஸ்டருடன் அறிவித்துள்ளனர். இதற்கு மலையாள இசையமைப்பாளரான ஹேசம் அப்துல் வாகப் இசையமைக்கின்றார். குட் நைட், லவ்வர் போன்ற படங்களை தயாரித்த மில்லியன் டாலர் புரொடக்சன்ஸ் நிறுவனம் தான் இப்படத்தை தயாரித்துள்ளனர். 2025ம் ஆண்டு பிப்ரவரி மாதத்தில் காதலர் தினத்தை முன்னிட்டு வெளியாகும் என குறிப்பிடப்பட்டுள்ளனர். ஏற்கனவே இதே தலைப்பில் சிவாஜி, விஜய் நடித்த 'ஒன்ஸ்மோர்' எனும் படம் கடந்த 1997ல் வெளியானது என்பது குறிப்பிடத்தக்கது.