கால்பந்து போட்டியை நேரில் பார்க்க ஸ்பெயின் நாட்டுக்கு சென்ற ஷாலினி அஜித் - ஆத்விக்!

நடிகர் அஜித்குமார் சோசியல் மீடியாவில் கணக்கு தொடங்கவில்லை என்றாலும் அவரது மனைவியான ஷாலினி அஜித்குமார் கடந்த இரண்டு ஆண்டுகளுக்கு முன்பே இன்ஸ்டாகிராமில் கணக்கு தொடங்கி இருந்தார். இவர், தங்களது குடும்பத்தினர் குறித்த புகைப்படங்கள் வீடியோக்களை அவ்வப்போது வெளியிட்டு வருகிறார். அந்த வகையில் தற்போது தனது இன்ஸ்டாகிராமில் தனது மகன் ஆத்விக்குடன் எடுத்துக்கொண்ட ஒரு புகைப்படத்தை வெளியிட்டு இருக்கிறார் ஷாலினி அஜித்.

அந்த புகைப்படம் ஸ்பெயின் நாட்டில் உள்ள கால்பந்து மைதானத்தில் எடுக்கப்பட்டுள்ளது. அங்கு நடைபெற்ற கால்பந்து போட்டியை பார்ப்பதற்கு சென்றிருந்தபோது இந்த புகைப்படத்தை எடுத்து உள்ளார்கள். மேலும் அஜித்தின் மகன் ஆத்விக், ரியல் மாட்ரிக் அணியின் ரசிகராம். அதன் காரணமாகவே ஸ்பெயின் நாட்டு மைதானத்தில் ரியல் மாட்ரிக் அணியுடன் பில்லர் ரியல் அணி மோதிய போட்டியை அவர்கள் பார்த்து ரசித்துள்ளார்கள்.