நெகட்டிவ் விமர்சனத்தால் வேகமாக சரிந்த கங்குவா படத்தின் வசூல்!

சூர்யா நடிப்பில் கடந்த 14ஆம் தேதி திரைக்கு வந்த கங்குவா படம் நெகட்டீவ் விமர்சனங்களை எதிர்கொண்டது. அதனால் அப்படத்தின் வசூல் மிகப்பெரிய அளவில் பாதிக்கப்பட்டு இருக்கிறது. குறிப்பாக 10,000 தியேட்டர்களில் வெளியான இந்த படம் முதல் நாளில் 56 கோடி ரூபாய் வசூலித்தது. அதையடுத்து இரண்டாவது நாளில் 33 கோடி வசூலித்ததாக அதிகாரப்பூர்வமாக அறிவித்தார்கள். ஆனால் நேற்று மூன்றாவது நாளில் 15 கோடி ரூபாய் மட்டுமே கங்குவா படம் வசூலித்து இருக்கிறது.

இதன் மூலம் உலக அளவில் கங்குவா நூறு கோடி வசூலை கடந்து இருக்கிறது. என்றாலும் அடுத்தடுத்த நாட்களில் இதன் வசூல் இன்னும் கடுமையாக குறைந்து ஒரு வாரம் கூட இந்த படம் தியேட்டர்களில் தாக்குப் பிடிப்பது கடினம் என்கிறார்கள். அதனால் மிகப் பெரிய எதிர்பார்ப்புகளுக்கிடையே வெளியான சூர்யாவின் கங்குவா அவரது தோல்வி பட பட்டியலில் இடம் பெறப் போகிறது.