டிச., 11ல் நடிகை கீர்த்தி சுரேஷ் திருமணம்?

தமிழ், தெலுங்கு, மலையாளம் ஆகிய மொழிகளில் நடித்து வருபவர் கீர்த்தி சுரேஷ். தமிழில் 80களில் நடித்த நடிகை மேனகாவின் மகள். கீர்த்தியின் அப்பா சுரேஷ் மலையாளத் திரையுலகத்தில் தயாரிப்பாளராக இருக்கிறார். தமிழில் பல முன்னணி நடிகர்களுடன் நடித்துள்ளார் கீர்த்தி.

கீர்த்தி அவருடைய சிறு வயது நண்பர் ஆண்டனி தட்டில் என்பவரைக் காதலித்து வருகிறார். ஆண்டனி தட்டில் துபாயில் வசித்து வருகிறாராம். இருவருடைய குடும்பத்தாரும் அவர்களது திருமணத்திற்கு சம்மதம் தெரிவித்துள்ளதாகத் தெரிகிறது. அடுத்த மாதம் இருவரது திருமணம் நடக்க உள்ளதாகத் தகவல் வெளியாகி உள்ளது.

டிசம்பர் 11ம் தேதி கோவாவில் திருமணம் நடக்க உள்ளதாகத் தகவல். இது குறித்த அறிவிப்பு விரைவில் வெளியாகலாம்.

கீர்த்தி தற்போது ஹிந்தியில் தெறி ரீமேக்கான 'பேபி ஜான்' படத்தில் நடித்து முடித்துள்ளார். தமிழில் 'ரிவால்வர் ரீட்டா, கண்ணி வெடி' உள்ளிட்ட படங்களில் நடித்து வருகிறார்.