73வது பிறந்தநாளை கொண்டாடிய இசையமைப்பாளர் தேவா!

1986 ஆம் ஆண்டு மாட்டுக்கார மன்னாரு என்ற படத்தில் இசையமைப்பாளராக அறிமுகமானவர் தேவா. அதன் பிறகு மனசுக்கேத்த மகாராசா, வைகாசி பொறந்தாச்சு, நம்ம ஊரு பூவாத்தா என்று அடுத்தடுத்து ஹிட் படங்களுக்கு இசையமைத்தார். குறிப்பாக ரஜினி நடிப்பில் அண்ணாமலை, பாட்ஷா போன்ற படங்களுக்கு சூப்பர் ஹிட் பாடல்களை கொடுத்தவர் தேவா. அதேபோன்று கமல், விஜயகாந்த், சத்யராஜ், விஜய், அஜித் என அனைத்து முன்னணி நடிகர்களின் படங்களுக்கும் இசையமைத்திருக்கும் தேவா, இதுவரை தமிழ், தெலுங்கு, கன்னடம் உள்பட 400 படங்களுக்கு மேல் மேல் இசையமைத்து இருக்கிறார்.

சமீபகாலமாக அனிருத் போன்ற இளவட்ட இசையமைப்பாளர்களின் இசையில் பின்னணியும் பாடி வருகிறார். அதோடு தேவாவின் மகன் ஸ்ரீகாந்த் தேவாவும் திரைப்படங்களுக்கு இசையமைத்து வருகிறார். இந்நிலையில் நேற்று இசையமைப்பார் தேவா தன்னுடைய 73 வது பிறந்தநாளை கேக் வெட்டி கொண்டாடியிருக்கிறார். அவரது இந்த பிறந்தநாள் நிகழ்ச்சியில் இயக்குனர் சுரேஷ் கிருஷ்ணா உள்ளிட்ட பல பிரபலங்கள் கலந்து கொண்டு அவரை வாழ்த்தி இருக்கிறார்கள்.