‛குட் பேட் அக்லி' படத்தை விட்டு வெளியேறிய தேவி ஸ்ரீ பிரசாத்!

ஆதிக் ரவிச்சந்திரன் இயக்கத்தில் அஜித் குமார் 'குட் பேட் அக்லி' என்கிற படத்தில் நடித்து வருகின்றார். மைத்ரி மூவி மேக்கர்ஸ் நிறுவனம் தயாரிக்கும் இப்படத்திற்கு தேவி ஸ்ரீ பிரசாத் இசையமைக்கின்றார். இதில் திரிஷா, சுனில், அர்ஜுன் தாஸ், ராகுல் தேவ், பிரசன்னா, பிரபு, யோகி பாபு ஆகியோர் முக்கிய கதாபாத்திரங்களில் நடித்து வருகின்றனர்.

இதன் படப்பிடிப்பை பெரும்பாலும் வெளிநாடுகளில் நடத்தி வருகின்றனர். இந்த நிலையில் திடீரென இப்படத்தை விட்டு தேவி ஸ்ரீ பிரசாத் வெளியேறியதாக தகவல்கள் பரவி வருகிறது. எந்த காரணத்தால் வெளியேறினார் என்பது குறித்து தெரியவில்லை. இப்போது தேவி ஸ்ரீ பிரசாந்த் வெளியேறியதால் ஆதிக் ரவிச்சந்திரனுக்கு ஆஸ்தான இசையமைப்பாளர் ஜி.வி. பிரகாஷ் இசையமைக்க வாய்ப்புள்ளதாகவும், மறுபுறம் அனிருத் உடனும் பேச்சு வார்த்தை நடத்தி வருவதாக தகவல் தெரிவிக்கின்றனர்.