கடல் அட்வென்ஜர் படத்தில் ஜி.வி.பிரகாஷ்

ஜி.வி.பிரகாஷ் குமார் கதையின் நாயகனாக நடித்திருக்கும் படம் 'கிங்ஸ்டன்'. அறிமுக இயக்குநர் கமல் பிரகாஷ் இயக்கி உள்ளார். ஜி.வி.பிரகாஷ் உடன் திவ்ய பாரதி, 'மேற்கு தொடர்ச்சி மலை' ஆண்டனி, சேத்தன், குமரவேல், சபு மோகன் உள்ளிட்ட பலர் நடித்திருக்கிறார்கள். கோகுல் பினோய் ஒளிப்பதிவு செய்திருக்கிறார். ஜி.வி.பிரகாஷ் குமார் இசையமைத்திருக்கிறார். ஜீ ஸ்டுடியோஸ் நிறுவனத்துடன் பேரலல் யுனிவர்ஸ் பிக்சர்ஸ் பட நிறுவனம் இணைந்து தயாரிக்கிறது.

இது ஜி.வி.பிரகாஷின் 25வது படம் என்பதால் 'பேரரல் யுனிவர்ஸ் பிக்சர்ஸ்' என்ற தயாரிப்பு நிறுவனத்தை தொடங்கி தயாரிப்பாளராகவும் படத்தில் இணைந்துள்ளார். கடல் அட்வென்ஜர் ஜார்னரில் உருவாகும் இந்த படம் ஜி.வி.பிரகாசின் படங்களிலேயே அதிக பட்ஜெட்டில் உருவாகும் படம். பெரும்பகுதி படத்தின் கதை நடுக்கடலில் நடப்பதாக உருவாகி வருகிறது. வருகிற 9ம் தேதியன்று படத்தின் டீசர் வெளியாகிறது.