கீர்த்தி சுரேஷ் - ஆண்டனி உடன் இணைந்து பொங்கல் கொண்டாடிய விஜய்
ADDED : 234 days ago
நடிகர் விஜய் தற்போது வினோத் இயக்கும் தனது 69வது படத்தில் நடித்து வருகிறார். இப்படத்தில் அவருடன் பூஜா ஹெக்டே, பாபி தியோல், பிரகாஷ்ராஜ், கவுதம் மேனன், பிரியாமணி, மமிதா பைஜு உள்ளிட்ட பலர் முக்கிய வேடங்களில் நடிக்கிறார்கள். இந்த படத்தின் படப்பிடிப்பு தொடர்ந்து நடைபெற்று வருகிறது .
இந்நிலையில் நேற்று பொங்கல் பண்டிகையையொட்டி விஜய்யின் மேனேஜர் ஜெகதீஷின் அலுவலகத்தில் பொங்கல் கொண்டாட்டம் நடைபெற்றது. இதில், நடிகை கீர்த்தி சுரேஷ் தனது கணவர் ஆண்டனி உடன் கலந்து கொண்டார். இந்த கொண்டாட்டத்தில் நடிகர் விஜய் மற்றும் கல்யாணி பிரியதர்ஷன், மமிதா பைஜூ, கதிர் ஆகியோரும் கலந்து கொண்டு உள்ளார்கள்.
இந்த பொங்கல் கொண்டாட்ட நிகழ்ச்சிக்கு விஜய் காரில் இருந்து இறங்கி வந்தது தொடங்கி, பொங்கல் கொண்டாடும்போது இடம் பெற்ற காட்சிகளின் வீடியோவை ஜெகதீஷ் பழனிச்சாமி தனது இன்ஸ்டா பக்கத்தில் வெளியிட்டுள்ளார். இந்த வீடியோ வைரலாகி வருகிறது .