ஓடிடியில் வெளியாகும் நயன்தாராவின் டெஸ்ட்

கடந்த 2023ம் ஆண்டு நயன்தாராவின் 75வது படமான அன்னபூரணி வெளியானது. பெரிதும் எதிர்பார்க்கப்பட்ட இந்த படம் தோல்வியை சந்தித்தது. அதன்பிறகு கடந்த ஆண்டு நயன்தாராவின் திருமண ஆவணப்படம் மட்டுமே ஓடிடியில் வெளியானது. அவர் நடிப்பில் எந்த ஒரு படமும் வெளியாகவில்லை. இந்நிலையில் தற்போது நயன்தாராவின் கைவசம் டெஸ்ட், மண்ணாங்கட்டி சின்ஸ் 1960, டியட் ஸ்டூடண்ட்ஸ், டாக்ஸிக், ராக்காயி என பல படங்கள் உள்ளன. இதில் மாதவன், சித்தார்த்துடன் இணைந்து அவர் நடித்திருக்கும் டெஸ்ட் என்ற படம் தியேட்டரில் வெளியாகாமல் நேரடியாக ஓடிடி தளத்தில் வெளியாக உள்ளது. தயாரிப்பாளர் சசிகாந்த் இப்படத்தை இயக்கி இருக்கிறார். இம்மாதம் இறுதியில் வெளியாகும் என தகவல் வெளியாகி உள்ளது.