இரும்புக்கை மாயாவி படத்தில் நடிக்கும் அமீர்கான்?

ரஜினி நடிப்பில் கூலி படத்தை இயக்கி வருகிறார் லோகேஷ் கனகராஜ். இதையடுத்து இந்த ஆண்டு இறுதியில் கார்த்தி நடிப்பில் கைதி 2 படத்தை இயக்கப் போகிறார். அதோடு சூர்யா நடிப்பில் ரோலக்ஸ், மற்றும் இரும்புக்கை மாயாவி என இரண்டு படங்களை இயக்கவும் திட்டமிட்டிருந்தார் லோகேஷ் கனகராஜ். ஆனால் தற்போது இரும்புக்கை மாயாவி படத்தை பாலிவுட் நடிகர் அமீர் கானை வைத்து லோகேஷ் கனகராஜ் இயக்கப் போவதாக ஒரு தகவல் வெளியாகியிருக்கிறது. இந்த படத்தை தமிழ், தெலுங்கு, ஹிந்தி என மூன்று மொழிகளில் பான் இந்தியா படமாக இயக்கப் போகிறாராம். இதை புஷ்பா, புஷ்பா- 2 படங்களை தயாரித்துள்ள மைத்ரி மூவி மேக்கர்ஸ் நிறுவனம் பிரமாண்டமாக தயாரிப்பதாகவும் தகவல் வெளியாகியிருக்கிறது.