ஹாலிவுட் வெப் தொடரில் நடிக்கும் திஷா பதானி

பாலிவுட்டின் பிரபல நடிகை திஷா பதானி. தமிழில் சிவா இயக்கத்தில் சூர்யா நடித்து திரைக்கு வந்த கங்குவா படத்தில் நாயகியாக நடித்தார். பிறமொழி படங்களிலும் பிசியாக நடித்து வரும் இவர், தற்போது டுராங்கோ என்ற அமெரிக்க ஆன்லைன் தொடரில் நடித்து வருகிறார். மெக்சிகோவில் இந்த வெப் தொடரின் படப்பிடிப்பு நடைபெற்று வரும் செட்டில், ஹாலிவுட் நடிகர்களுடன் அவர் எடுத்துக்கொண்ட புகைப்படத்தை இணையதளத்தில் வெளியாகியுள்ளது. இந்த வெப் தொடர் மூலம் ஹாலிவுட்டில் அறிமுகமாகிறார் திஷா பதானி. ஏற்கனவே பாலிவுட் நடிகைகள் ஐஸ்வர்யா ராய், பிரியங்கா சோப்ரா, தீபிகா படுகோனே உள்ளிட்ட பலரும் ஹாலிவுட் வெப் சீரிஸ்களில் நடித்து வரும் நிலையில் தற்போது திஷா பதானியும் அந்த பட்டியலில் இணைந்துள்ளார்.