ஓடிடியில் சாதனை படைத்த 'லக்கி பாஸ்கர்'

வெங்கி அட்லூரி இயக்கத்தில், துல்கர் சல்மான், மீனாட்சி சவுத்ரி மற்றும் பலர் நடிப்பில் கடந்த வருடம் வெளிவந்த படம் 'லக்கி பாஸ்கர்'. தெலுங்கில் தயாராகி மற்ற மொழிகளில் டப்பிங் ஆகி வெளியான படம். தமிழிலும் குறிப்பிடத்தக்க வசூலைப் பெற்றது.

ஓடிடியில் வெளியான பின்பு இப்படத்திற்கு பெரும் வரவேற்பு கிடைத்தது. வங்கி மற்றும் பங்குச்சந்தை மோசடியை மையமாக வைத்து எடுக்கப்பட்டதால் பலரும் இப்படத்தை விரும்பிப் பார்த்தார்கள். எப்படியெல்லாம் மோசடி செய்கிறார்கள் என்பது ரசிகர்களுக்குப் புதிதாக இருந்தது.

நெட்பிளிக்ஸ் ஓடிடி தளத்தில் வெளியான இந்தப் படம் கடந்த 13 வாரங்களாக தொடர்ந்து டிரெண்டிங்கில் உள்ளது. வேறு எந்த ஒரு தென்னிந்தியப் படமும் இப்படி ஒரு சாதனையைப் படைத்ததில்லை.