கமல்ஹாசன் உடன் இணைந்து நடிக்க ஆசைப்படும் மிருணாள் தாகூர்

தெலுங்கில் வெளியான சீதாராமன் என்ற படத்தில் நடித்து தென்னிந்திய சினிமாவில் பிரபலமானவர் மிருணாள் தாகூர். அதன்பிறகு பிரபாஸ் நடித்த கல்கி 2898 ஏடி என்ற படத்தில் சிறப்பு வேடத்தில் நடித்தவர், தற்போது ஹிந்தி, தெலுங்கில் பல படங்களில் பிசியாக நடித்து வருகிறார். மிருணாள் தாக்கூர் அளித்துள்ள ஒரு பேட்டியில், தமிழ் சினிமாவில் எந்த நடிகருடன் நடிக்க ஆசைப்படுகிறார்கள்? என்று அவரிடத்தில் கேட்கப்பட்ட ஒரு கேள்விக்கு, கமல்ஹாசனுடன் நடிக்க தான் ஆர்வமாக இருப்பதாக கூறியிருக்கிறார். அதேபோல் எந்த தமிழ் ஹீரோவுடன் நடனமாட ஆசை என்று கேட்கப்பட்ட கேள்விக்கும், கமல்ஹாசனுடன் நடனமாடவே விரும்புகிறேன். காரணம் நடிப்பு மட்டுமின்றி நடனத்திலும் மற்றவர்களை அவர் ஓரங்கட்டக்கூடியவர் என்றும் தெரிவித்துள்ளார் மிருணாள்.