ஏப்., 30ல் கிஸ் முதல் பாடல் வெளியீடு

நடன இயக்குனர் சதீஷ் கிருஷ்ணன் சில படங்களில் நடித்துள்ளார். முதல் முறையாக இயக்குனராக களமிறங்கி இயக்கியுள்ள படம் ‛கிஸ்'. இதில் ஹீரோவாக கவின் நடித்துள்ளார். நாயகியாக பிரீத்தி அஸ்ராணி நடித்துள்ளார். ரோமியோ பிக்சர்ஸ் நிறுவனம் தயாரிக்கும் இப்படத்திற்கு ஜென் மார்டின் இசையமைக்கின்றார் .

இதன் படப்பிடிப்பு பல மாதங்களாக நடைபெற்று சமீபத்தில் நிறைவு பெற்றது . முழுக்க முழுக்க காதல் கதையில் இந்த படத்தை இயக்கி உள்ளார் சதீஷ். தற்போது இந்த படத்திலிருந்து முதல் பாடல் வருகின்ற ஏப்ரல் 30ம் தேதி அன்று வெளியாகிறது. தற்போது இந்த பாடலின் புரோமோ வீடியோ வெளியானது. இந்த பாடலை அனிருத் பாடியுள்ளார் என்பது குறிப்பிடத்தக்கது.