தீபாவளிக்கு வெளியாகும் பைசன்!
ADDED : 150 days ago
பரியேறும் பெருமாள், கர்ணன், மாமன்னன்,வாழை என தொடர் வெற்றி படங்களுக்கு அடுத்து இயக்குனர் மாரி செல்வராஜ் தற்போது துருவ் விக்ரமை வைத்து 'பைசன் காள மாடன்' என்கிற படத்தை உருவாக்கி வருகின்றார்.
பசுபதி,அமீர்,அனுபமா பரமேஸ்வரன், ரஜிஷா விஜயன், கலையரசன் உள்ளிட்டோர் முக்கிய கதாபாத்திரங்களில் நடிக்கின்றனர். இதனை நீலம் புரொடக்சன்ஸ் மற்றும் அப்லாஷ் என்டர்டெயின்மென்ட் நிறுவனம் இணைந்து தயாரிக்கின்றனர்.
ஏற்கனவே இதன் படப்பிடிப்பு முழுவதுமாக நிறைவு பெற்றது. கபடி வீரராக இப்படத்தில் துருவ் விக்ரம் நடிக்கின்றார். இந்த நிலையில் இத்திரைப்படம் இவ்வருடம் தீபாவளி அக்டோபர் 17ம் தேதி அன்று திரைக்கு வருகிறது என இன்று புதிய போஸ்டருடன் அறிவித்துள்ளனர்.