சென்னை விமான நிலையத்தில் சந்தித்துக் கொண்ட விஷால் - விஜய் சேதுபதி!

நடிகர்கள் விஷால், விஜய் சேதுபதி ஆகிய இருவரும் சென்னை விமான நிலையத்தில் சந்தித்துள்ளார்கள். அப்போது தாங்கள் எடுத்துக் கொண்ட ஒரு புகைப்படத்தை தனது எக்ஸ் பக்கத்தில் வெளியிட்டுள்ளார் விஷால். அதோடு, அவர் வெளியிட்டுள்ள பதிவில், ‛என்னுடைய நண்பரும் திறமையான நடிகருமான விஜய் சேதுபதியை சென்னை விமான நிலையத்தில் சந்தித்தேன். மிகவும் உற்சாகமாக காணப்பட்டார். நீண்ட நாட்களுக்கு பிறகு அவரை சந்தித்ததில் மகிழ்ச்சி. நாங்கள் சிறிது நேரமே சந்தித்துக் கொண்டாலும் அது மிகவும் சிறப்பான தருணங்கள். அவரது முயற்சிகளுக்கு எனது வாழ்த்துக்கள். கடவுள் அவரை ஆசீர்வதிக்கட்டும்' என்று அந்த பதிவில் தெரிவித்து இருக்கிறார் விஷால். இந்த புகைப்படமும், பதிவும் ஏராளமான லைக்ஸ் மற்றும் கமெண்ட்டுகளை பெற்று வருகிறது.