தமிழுக்கு வரும் நரிவேட்ட ஹீரோயின்

தமிழ் சினிமாவில் தற்போது இருக்கும் பெரும்பாலான கதாநாயகிகள் மலையாள திரையுலகில் இருந்து இங்கே வந்தவர்கள் தான். அந்த வகையில் தற்போது லேட்டஸ்ட் வரவாக நடிகை பிரியம்வதா கிருஷ்ணனை தமிழுக்கு அழைத்து வரும் முயற்சிகள் நடைபெற்று வருகின்றன. கடந்த இரண்டு வாரங்களுக்கு முன்பு மலையாளத்தில் வெளியான ‛நரிவேட்ட' படத்தில் கதாநாயகியாக நடித்திருந்தவர் தான் இந்த பிரியம்வதா. நடிகர் டொவினோ தாமஸ், சேரன் ஆகியோர் கதையின் நாயகர்களாக நடித்திருந்த இந்த படம் கவனிக்கத்தக்க வெற்றியும் பெற்றது

இதற்கு முன்னதாக அவர் ‛ரோஷாக், சம்ஷயம்' உள்ளிட்ட சில படங்களில் நடித்திருந்தாலும் நரிவேட்ட படத்தில் அவரது நடிப்பும் அழகும் வரவேற்பை பெற்றது. குறிப்பாக இந்த படத்தில் இடம் பெற்ற மின்னல்வல என்கிற பாடல் பிரியம்வதாவுக்கு அதிகம் ரசிகர்களை தேடி தந்துள்ளது. இதனால் சில தமிழ் இயக்குனர்கள் பிரியம்வதாவை தமிழுக்கு அழைத்து வரும் முயற்சியில் இறங்கியுள்ளனர்.