சிவகார்த்திகேயனின் 'மதராஸி' படத்தை 23 கோடிக்கு வாங்கிய நெட்பிளிக்ஸ்!

'அமரன்' படத்தை அடுத்து ஏ.ஆர்.முருகதாஸ் இயக்கும் 'மதராஸி', சுதா கொங்கரா இயக்கும் 'பராசக்தி' ஆகிய இரண்டு படங்களில் நடித்து வருகிறார் சிவகார்த்திகேயன். இதில், மகராஸி படத்தில் அவருடன் ருக்மணி வசந்த், பிஜூ மேனன் உள்ளிட்ட பலர் முக்கிய வேடங்களில் நடிக்கிறார்கள். ஆக்சன் திரில்லர் கதையில் உருவாகியுள்ள இந்த படம் செப்டம்பர் 5ம் தேதி தமிழ், தெலுங்கு, மலையாளம், கன்னடம், ஹிந்தி என ஐந்து மொழிகளில் வெளியாகிறது. இந்த படத்தில் சிவகார்த்திகேயன் காக்கிச்சட்டை படத்திற்குப் பிறகு மீண்டும் போலீஸ் வேடத்தில் நடித்திருப்பதாக கூறப்படுகிறது. இந்நிலையில் இந்த மதராஸி படத்தின் ஓடிடி உரிமையை நெட்பிளிக்ஸ் நிறுவனம் 23 கோடி ரூபாய்க்கு வாங்கி இருப்பதாக தகவல்கள் வெளியாகி உள்ளன.