நடிகர் மதன் பாப் உடல் தகனம்

இசையமைப்பாளராக தனது திரைவாழ்க்கையை தொடங்கி பல படங்களில் நடித்து பிரபலமடைந்தவர் நடிகர் மதன் பாப். சுமார் 100க்கும் மேற்பட்ட படங்களில் நடித்துள்ள அவர், மேடை நாடகம், விளம்பரங்கள், டிவி சீரியல்கள் என பலவற்றிலும் அசத்தி உள்ளார்.

புற்றுநோயால் பாதிக்கப்பட்டிருந்த மதன் பாப், நேற்று மாலை அடையாறில் உள்ள அவரது வீட்டில் காலமானார். அவரது உடலுக்கு இயக்குனர் கே.எஸ்.ரவிக்குமார் உள்ளிட்ட திரையுலகை சேர்ந்த பலரும் நேரில் வந்து அஞ்சலி செலுத்தினர். பின்னர் பிற்பகலில் மதன் பாப்பின் உடல் ஊர்வலமாக எடுத்து செல்லப்பட்டு, சென்னை பெசன்ட் நகர் மின் மயானத்தில் தகனம் செய்யப்பட்டது.