மிக விரைவில் 100 மில்லியனைத் தொட்ட 'மோனிகா'
ADDED : 45 days ago
லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, ஸ்ருதிஹாசன் மற்றும் பலர் நடிப்பில் வெளியான படம் 'கூலி'. இப்படத்தில் அனிருத் இசையில், விஷ்ணு எடவன் எழுதி, சுபலாஷினி, அனிருத், அசல் கோலார் பாடிய 'மோனிகா' பாடல் கடந்த மாதம் ஜுலை 11ம் தேதி யு டியூப் தளத்தில் வெளியானது. இப்பாடலுக்கு பூஜா ஹெக்டே சிறப்புத் தோற்றத்தில் நடனமாடி இருந்தார்.
பாடல் வெளியானதுமே உடனடியாக ஹிட் ஆனது. மிகக் குறுகிய காலத்தில் இப்பாடல் 100 மில்லியன் பார்வைகளைக் கடந்துள்ளது. படம் வெளியாகும் வரை இப்பாடலுக்கு 68 மில்லியன் பார்வைகள் கிடைத்திருந்தது. படம் வெளியான இந்த பத்து நாட்களில் மட்டும் 32 மில்லியன் பார்வைகள் கிடைத்து 100 மில்லியனைக் கடந்துள்ளது.
யு டியூப் தளத்தில் அனிருத் இசையில் வெளிவந்த பாடல்கள் அதிகமான 100 மில்லியன் பார்வைகளைக் கடந்துள்ளன. அந்தப் பட்டியலில் தற்போது 'மோனிகா' பாடலும் இணைந்துள்ளது.