வெளிநாடுகளில் 20 மில்லியன் டாலர் வசூலித்த 'கூலி'
ADDED : 48 days ago
லோகேஷ் கனகராஜ் இயக்கத்தில், அனிருத் இசையமைப்பில், ரஜினிகாந்த், நாகார்ஜுனா, ஸ்ருதிஹாசன் மற்றும் பலர் நடிப்பில் வெளிவந்த படம் 'கூலி'. இப்படத்தின் உலகம் முழுவதிலுமான அதிகாரப்பூர்வ வசூல் 404 கோடி என்று அறிவிக்கப்பட்டதற்குப் பிறகு வேறு எந்த வசூல் அறிவிப்பும் இதுவரையில் வெளியாகவில்லை.
இருந்தாலும் படத்தின் வெளிநாட்டு உரிமையை வாங்கிய வினியோக நிறுவனம் வெளிநாட்டு வசூல் பற்றி அதிகாரப்பூர்வமாக அறிவித்துள்ளார்கள். வெளிநாடுகளில் 20 மில்லியன் யுஎஸ் டாலர் வசூலித்துள்ளதாம். இந்திய ரூபாய் மதிப்பில் 167 கோடி. படத்தின் வெளிநாட்டு உரிமை சுமார் 85 கோடிக்கு விற்கப்பட்டதாகத் தகவல். அதை விட இரண்டு மடங்கு வசூல் செய்துள்ளதால் வெளிநாடுகளில் இப்படத்திற்குக் குறிப்பிடத்தக்க லாபம் கிடைத்திருக்கும்.
இந்திய வசூல், வெளிநாட்டு வசூல் என படம் 500 கோடி வசூலைக் கடந்துவிட்டது. இருந்தாலும் ஒட்டு மொத்த அதிகாரப்பூர்வ வசூலை அறிவிக்காமல் உள்ளார்கள்.