ரவி அரசிடம் விஷால் வைத்த கோரிக்கை!

சூப்பர் குட் பிலிம்ஸ் நிறுவனத்தின் 99வது படத்தில் விஷால் கதாநாயகனாக நடித்து வருகிறார். இந்த படத்திற்கு 'மகுடம்' என தலைப்பு வைத்துள்ளனர். இது விஷாலின் 35வது படமாக உருவாகிறது. ஈட்டி பட இயக்குனர் ரவி அரசு இந்த படத்தை இயக்குகிறார்.

இதில் கதாநாயகியாக துஷாரா விஜயன் நடிக்கிறார் மற்றும் அஞ்சலி, யோகி பாபு ஆகியோர் முக்கிய கதாபாத்திரங்களில் நடிக்கின்றனர். இந்த படத்திற்கு ஜி.வி. பிரகாஷ் இசையமைக்கிறார்.

ஏற்கனவே இந்த படத்தின் இரண்டு கட்ட படப்பிடிப்பு நிறைவு பெற்றது. இதற்கிடையில் விஷால், தன்ஷிகா திருமண நிச்சயம் நடைபெற்றது. இன்னும் இரண்டு மாதங்களில் திருமண விழாவை முடிவு செய்துள்ளனர். இதனால் மகுடம் படத்தில் விஷால் தான் சம்மந்தப்பட்ட காட்சிகளின் படப்பிடிப்பை இந்த இரண்டு மாதத்திற்குள் முடிக்க வேண்டும் என கோரிக்கை வைத்துள்ளார்.