அடுத்தடுத்து வெளியாகும் ‛இட்லி கடை' பட நடிகர்களின் கேரக்டர் போஸ்டர் : செப்., 14ல் இசை வெளியீடு

நடிகர் தனுஷ் இயக்கி, நடித்து வரும் படம் 'இட்லி கடை'. டான் பிக்சர்ஸ், வுண்டர்பார் பிலிம்ஸ், ரெட் ஜெயண்ட் பிலிம்ஸ் ஆகிய நிறுவனங்கள் இணைந்து தயாரித்துள்ளனர். ஜி.வி.பிரகாஷ் இசையமைத்துள்ளார். இதில் நித்யா மேனன், ராஜ்கிரண், சத்யராஜ், அருண் விஜய், ஷாலினி பாண்டே உள்ளிட்ட பலர் நடிக்கின்றனர்.

கடந்த சில நாட்களாக இட்லி கடை படத்திலிருந்து கதாபாத்திர அறிமுக போஸ்டரை வெளியிட துவங்கியுள்ளனர். அஸ்வின் வேடத்தில் அருண் விஜய் நடிப்பதாக சில தினங்களுக்கு முன் அறிவித்தனர். பின்னர் விஷ்ணுவர்தன் என்கிற கதாபாத்திரத்தில் சத்யராஜ் நடிப்பதாக அறிவித்தனர். இப்போது சிவனேசன் என்ற வேடத்தில் ராஜ்கிரண் நடித்துள்ளதாக போஸ்டருடன் அறிவித்துள்ளனர்.

இதனிடையே இந்த படத்தின் இசை வெளியீட்டு விழா வருகிற செப்., 14ம் தேதி சென்னை, நேரு உள்விளையாட்டு அரங்கில் மாலை 6 மணியளவில் பிரமாண்டமாய் நடப்பதாக அறிவித்துள்ளனர். அக்., 1ல் படம் ரிலீஸாகிறது.