சேதுராஜன் ஐபிஎஸ் : மீண்டும் போலீஸ் கதாபாத்திரத்தில் பிரபுதேவா

பிரபுதேவா நடிப்பில் கடந்த சில வருடங்களாக வெளியான படங்கள் எதுவும் அவருக்கு சொல்லிக் கொள்ளும்படியாக அமையவில்லை. ஆனாலும் தற்போது தமிழில் அதிக படங்களை கைவசம் வைத்திருப்பவர் யார் என்றால் அது பிரபுதேவா தான். தற்போது சேதுராஜன் ஐபிஎஸ் என்ற வெப் என்கிற சீரிஸ் ஒன்றில் கதாநாயகனாக நடித்துள்ளார் பிரபுதேவா. கடந்த நான்கு வருடங்களுக்கு முன்பு வெளியான பொன் மாணிக்கவேல் திரைப்படத்தில் போலீஸ் அதிகாரியாக நடித்திருந்த பிரபுதேவா, மீண்டும் இந்த வெப் சீரிஸில் போலீஸ் அதிகாரியாக நடித்துள்ளார்.

இந்த வெப்சீரிஸை ரபீக் இஸ்மாயில் என்பவர் இயக்கியுள்ளார். இந்த கதாபாத்திரத்தில் நடித்தது குறித்து பிரபுதேவா கூறும்போது, “சேதுராஜன் ஐபிஎஸ் என்பது வெறும் ஒரு சாதாரண போலீஸ் அல்ல. முன்பு நான் நடித்த படங்களை விட இந்த கதாபாத்திரம் எனக்கு ரொம்பவே சவாலாக இருந்தது. இது இப்போது ஏதோ சீசனுக்காக எடுக்கப்பட்ட கதை அல்ல.. தற்போது அவசியமான ஒன்று தான்” என்று கூறியுள்ளார். சோனி லைவ் நிறுவனம் இந்த வெப் சீரிஸை தயாரிகிறது.