புலம்பும் புயல் காமெடியன்

உச்ச நடிகருடன் சில படங்களில் நடித்த புயல் காமெடியன், மீண்டும் அவரது புதிய படங்களிலும், 'என்ட்ரி' கொடுக்க கல்லெறிந்தார். ஆனால், உச்ச நடிகரோ, 'தற்போது இளவட்டங்களுடன் புதிய கூட்டணி அமைத்து என்னையும் புதுப்பித்துக் கொண்டு வருகிறேன். அதனால், மீண்டும் பழைய கலைஞர்களுடன் கூட்டணி வைக்க வாய்ப்பே இல்லை. அதோடு, இனிமேல் நம்முடைய கூட்டணியும் பெரிதாக, 'ஒர்க்-அவுட்' ஆகாது...' என்று, புயல் காமெடியனுக்கு அதிர்ச்சி கொடுத்து விட்டார்.

இதையடுத்து தன்னை சந்திக்கும் சினிமா புள்ளிகளிடம், 'அவர் படத்தின் வெற்றிக்கு என்னுடைய காமெடி எவ்வளவு பக்கபலமாக இருந்தது. அதையெல்லாம் மறந்து விட்டு, 'நீ பழைய நடிகன்'னு ஒரு வார்த்தை சொல்லி இப்படி என்னை கழட்டி விட்டுட்டாரே...' என்று புலம்பி வருகிறார், புயல் காமெடியன்.