ஹீரோயின் இல்லாமல் தேங்கி நிற்கும் கவின் படம்!
தமிழ் சினிமாவில் வளர்ந்து வரும் இளம் நடிகர் கவின். தற்போது இவர் கைவசமாக 'மாஸ்க், ஹாய்' ஆகிய படங்கள் உள்ளன. இவை அல்லாமல் கவின் அடுத்து 'தண்டட்டி' படத்தை இயக்கி அனைவரின் கவனத்தை பெற்ற இயக்குனர் ராம் சங்கயா இயக்கத்தில் கதாநாயகனாக நடிக்கவுள்ளார். இந்த படத்தை 'லப்பர் பந்து, சர்தார்' போன்ற படங்களை தயாரித்த பிரின்ஸ் பிக்சர்ஸ் தயாரிக்கின்றனர் என கடந்த சில மாதங்களுக்கு முன்பு அறிவிப்பு வெளியானது.
இந்த படத்தின் முன் தயாரிப்பு பணிகள் நிறைவு பெற்றும் படப்பிடிப்பு தொடங்குவதில் சுணக்கம் நீடித்து வருகிறது. இது குறித்து என்ன காரணமென்று நாம் விசாரித்தபோது, இப்படம் முழுக்க முழுக்க ஒரு கிராமத்து பின்புலத்தில் உருவாகும் படம் என்பதால் கதாநாயகியை தேடிக் கொண்டிருகின்றனர், இன்னும் அமையவில்லை. பெரும்பாலான இளம் நாயகிகள் கிராமத்து பெண் வேடத்தில் நடிக்க மறுத்துள்ளனர்.