பேயுடன் பர்ஸ்ட் நைட் கொண்டாடிய ஹீரோ: 'மெஸன்ஜர்' படத்தில் புதுமை

ரமேஷ் இலங்காமணி இயக்கத்தில் 'கன்னிமாடம்' ஸ்ரீராம் கார்த்திக், மனிஜாஜித், பாத்திமா நசீம், வைசாலி உட்பட பலர் நடித்த படம் 'மெஸன்ஜர்'. இது காதல் படம், பேய் படம் என்றாலும், இதுவரை இல்லாதவகையில் பேன்டசி பாணியில் உருவாக்கி உள்ளது.

அதாவது, ஹீரோவை காதலிக்கும் கிராமத்து பெண் ஒரு விபத்தில் மரணம் அடைகிறார். ஆனாலும், செல்போன் மெசேஜ் மூலமாக ஹீரோவை தொடர்பு கொள்கிறார். அவருடன் பேசுகிறார். அந்த காதலை ஏற்றுக்கொள்ளும் ஹீரோ அவரை எப்படி திருமணம் செய்கிறார். எப்படி குழந்தை பெற்றுக்கொள்கிறார் என்ற ரீதியில் கதை செல்கிறது. உருவம் இல்லாதவரை காதலிப்பது, அவரை திருமணம் செய்வது, அவருடன் முதலிரவு போன்ற காட்சிகளும் கதையில் இருக்கிறதாம்.

இந்த படவிழாவில் பேயுடன் பர்ஸ்ட் நைட் கொண்டாடிய அனுபவம் எப்படி என்று நிருபர்கள் கேட்க, ஹீரோ நெளிந்தார். வழக்கமான படங்களை விட, இது வித்தியாசமாக இருந்ததால், நடிக்க ஓகே சொன்னேன். பேயுடன் குடும்பம் நடத்தி, குழந்தை பெற்றுக்கொள்ளும் இந்த கதையை மக்கள் ரசிப்பார்கள் என்றார் ஸ்ரீராம் கார்த்திக். பேய்க்கு எப்படி குழந்தை பிறக்கிறது என்பதற்கு ஒரு விஞ்ஞான பூர்வ காரணத்தை கிளைமாக்சில் சொல்கிறாராம் இயக்குனர்.