வித்யாசாகர் மகனுக்கு ஜோடி யார் தெரியுமா?

இசையமைப்பாளர் வித்யாசாகர், 2000 ஆரம்ப காலகட்டங்களில் முன்னணி இசையமைப்பாளராக வலம் வந்தவர். தற்போது பெரிதளவில் படங்களில் இசையமைப்பதில்லை. ஆனால், இசை நிகழ்ச்சிகள் நடத்தி வருகிறார் வித்யாசாகர்.
இவரின் மகன் ஹர்ஷவர்தன் வித்யாசாகர் சிறிய வயதில் இருந்து இசையை முறைப்படி கற்று வருகிறார். சமீபகாலமாக வித்யாசாகர் இசை நிகழ்ச்சிகளில் இவர் பாடி, நடனமாடுவது எல்லாம் சமூக வலைதளங்களில் வைரலானது.

இயக்குனர் லிங்குசாமி அடுத்து புதிய ரோட் ஆக்சன் த்ரில்லர் படம் ஒன்றை இயக்கவுள்ளார். இதில் கதாநாயகனாக ஹர்ஷவர்தன் வித்யாசாகர் அறிமுகமாகிறார் என சமீபத்தில் தகவல் வெளியானது.

இந்த நிலையில் இந்த படத்தில் கதாநாயகியாக நடிக்க ருக்மணி வசந்த் உடன் தொடர்ந்து பேச்சு வார்த்தை நடைபெற்று வருவதாக கூறப்படுகிறது. ருக்மணி வசந்த் 'காந்தாரா சாப்டர் 1' படத்தின் வெற்றிக்குப் பிறகு இந்த படத்தில் நடிப்பாரா என்கிற சந்தேகம் பலரிடம் உள்ளது. இதன் முதற்கட்ட படப்பிடிப்பை ஸ்ரீலங்காவில் தொடங்க திட்டமிட்டுள்ளனர் என்கிறார்கள்.