டப்பிங் பணிகளை துவங்கிய அபிஷன், அனஸ்வரா

தமிழில் அறிமுக இயக்குனராக அபிஷன் ஜீவ்னித் இயக்கத்தில் வெளியான படம் 'டூரிஸ்ட் பேமிலி'. முதல் படத்திலேயே ஒரு இயக்குனராக இவர் வெற்றி முத்திரையை பதித்தவர். அந்த படத்தில் ஒரு குணசித்திர வேடத்தில் நடித்து பாராட்டையும் பெற்றார்.

தற்போது அபிஷன் கதாநாயகனாக நடித்துள்ள படத்தை அவரின் உதவி இயக்குநர் மதன் என்பவர் இயக்குகிறார். இதில் கதாநாயகியாக மலையாள நடிகை அனஸ்வரா ராஜன் நடிக்கிறார். இதை சவுந்தர்யா ரஜினி மற்றும் டூரிஸ்ட் பேமிலி படத்தின் இணை தயாரிப்பாளர் மகேஷ் ராஜ் பசிலன் ஆகியோர் இணைந்து தயாரித்துள்ளனர். ஷான் ரோல்டன் இசையமைத்துள்ளார்.

சமீபத்தில் இந்த படத்தின் படப்பிடிப்பு முழுவதும் நிறைவு பெற்றது. தொடர்ந்து போஸ்ட் புரொடக்ஷன் பணிகள் நடைபெற்று வருகின்றன. இந்நிலையில் நேற்று முதல் இந்த படத்தின் டப்பிங் பணிகளை அபிஷன் மற்றும் அனஸ்வரா ராஜன் இருவரும் தொடங்கியுள்ளதாக அறிவித்துள்ளனர். இந்த படத்திற்கு இன்னும் தலைப்பு வைக்கவில்லை என்பது குறிப்பிடத்தக்கது.