ஜப்பானில் வெளியாகும் மலைக்கோட்டை வாலிபன் : ரிலீஸ் தேதி அறிவிப்பு

மோகன்லால் நடிப்பில் கடந்த 2024ல் மலையாளத்தில் வெளியான படம் மலைக்கோட்டை வாலிபன். வித்தியாசமான கதைக்களங்களில் படம் இயக்குபவர் என பெயர் பெற்ற இயக்குனர் லிஜோ ஜோஸ் பெல்லிசேரி இந்த படத்தை இயக்கியிருந்தார். வரலாற்று பின்னணியில் புனைவு கதையாக உருவாகியிருந்த இந்த படம் மிகப்பெரிய எதிர்பார்ப்புகளுடன் வெளியானாலும் தோல்வி படமாக அமைந்தது.

சமீபத்தில் கூட இந்த படத்தின் தயாரிப்பாளர், இந்த படத்தை இயக்குனர் லிஜோ ஜோஸ் பெல்லிசேரி இரண்டாம் பாகமாக எடுக்க விரும்பினார் என்றும் அதில் தனக்கும் மோகன்லாலுக்கும் விருப்பமில்லை என்றும் அதுவும் கூட இந்த படத்தின் தோல்விக்கு ஒரு காரணம் என்றும் கூறியிருந்தார்.

இந்த நிலையில் தற்போது இந்த படம் ஜப்பானிய மொழியில் மாற்றப்பட்டு வரும் ஜனவரி 17ம் தேதி ரிலீஸ் ஆக இருக்கிறது. இந்த தகவலை இந்த இயக்குனர் லிஜோ ஜோஸ் பெல்லிசேரி தனது சோசியல் மீடியா பக்கத்தில் வெளியிட்டுள்ளார்.