துல்கரின் அடுத்த படம் 'ஐ அம் கேம்': தொடர் வெற்றியை தக்க வைப்பாரா?
ADDED : 59 minutes ago
தொடர்ந்து வெற்றி படங்களை கொடுத்து வரும் துல்கர் சல்மானின் சமீபத்திய படமான 'காந்தா'வும் வெற்றி பெற்றது. இந்த நிலையில் அவரது அடுத்த படமான 'ஐ அம் கேம்' படத்தின் பர்ஸ்ட் லுக் வெளியாகி உள்ளது.
இந்தப் படத்தை துல்கர் சல்மானும், ஜோம் வர்கீஸும் இணைந்து தயாரிக்கிறார்கள். நஹாஸ் ஹிதாயத் இயக்குகிறார். படத்தின் கதையை சஜீர் பாபா, இஸ்மாயில் அபூபக்கர், பிலால் மொய்து எழுதியுள்ளனர். ஆண்டனி வர்கீஸ், மிஷ்கின், கதிர், பார்த் திவாரி மற்றும் சம்யுக்தா விஸ்வநாதன் ஆகியோர் முக்கிய கதாபாத்திரங்களில் நடிக்கின்றனர். ஜிம்ஷி காலித் ஒளிப்பதிவு செய்கிறார். ஜேக்ஸ் பெஜாய் இசையமைக்கிறார்.
இது துல்கர் சல்மானின் 40வது படம். தொடர் வெற்றிகளை பெற்று வரும் துல்கர் சல்மான் இந்த படத்தின் மூலம் அதை தொடர்வாரா என்பது ரசிகர்களின் எதிர்பார்ப்பு.