'ரெட்ரோ' பட வில்லன் ஹீரோவாக மாறுகிறார்!
ADDED : 25 minutes ago
கார்த்திக் சுப்புராஜின் ஸ்டோன் பென்ச் மற்றும் லோகேஷ் கனகராஜின் ஜீ ஸ்குவாட் இருவர் நிறுவனங்களின் தயாரிப்பில் ரத்ன குமார் இயக்கி வரும் படத்தில் நாயகனாக 'ரெட்ரோ' படத்தில் வில்லன் கதாபாத்திரத்தில் நடித்த விது நடித்து வருகிறார். இவர் கார்த்திக் சுப்புராஜின் உறவினர் என்பது குறிப்பிடத்தக்கது.
இவர் கதாநாயகனாக நடித்து வரும் முதல் படமே நிறைவு பெறாத நிலையில் கார்த்திக் சுப்புராஜ் விதுவை கதாநாயகனாக வைத்து இரண்டாவது படத்தை தயாரிக்கவுள்ளார். இந்த படத்தை 'ஈட்டி' ரவி அரசுவின் உதவி இயக்குநர் ஹரி என்பவர் இயக்கவுள்ளார் என தகவல் வெளியாகியுள்ளது.