'மகாசேனா'வில் அம்மாவாக நடிக்கும் சிருஷ்டி டாங்கே

'மேகா, கத்துக்குட்டி, ராஜாவுக்கு செக், காதலாகி, ஜித்தன் 2' உள்ளிட்ட படங்களில் நடித்தவர் சிருஷ்டி டாங்கே. சற்றே இடைவெளிவிட்டு அவர் நடிக்கும் படம் 'மகாசேனா'. தினேஷ் கலைசெல்வன் இயக்க, விமல் ஹீரோவாக நடிக்கிறார். யானை பின்னணியில் காந்தாரா மாதிரி, ஒரு தெய்வ சிலையை முக்கியமான கதையாகக்கொண்டு படம் உருவாக்கப்பட்டுள்ளது.
கூடலுார், வயநாடு, கர்நாடக வனப்பகுதிகளில் படப்பிடிப்பு நடந்துள்ளது. முதன்முறையாக யானையுடன் துணிச்சலாக நடித்து இருக்கிறார் சிருஷ்டி. அவருக்கு சண்டைக்காட்சியும் இருக்கிறதாம். அதுமட்டுமல்ல, 14 வயது பெண்ணுக்கு அம்மாவாகவும் வருகிறார். முதலில் நடிக்க மறுத்தவர் கதை கேட்டு, தனது கேரக்டர் குறித்து இயக்குனர் அனுப்பிய ஓவியங்கள் பார்த்து விமல் மனைவியாக, அம்மாவாக நடிக்க ஓகே சொல்லி இருக்கிறார். சேனா என்பது அந்த யானையின் பெயர் என்பதால் 'மகாசேனா' என்பது தலைப்பு. வனப்பகுதியில் நடிக்கும் ஆக்ஷன் திரில்லரான இந்த படம் தமிழில் மட்டுமல்ல, தெலுங்கு, ஹிந்தி, கன்னடம், மலையாள மொழிகளில் டிசம்பர் 12ம் தேதி வெளியாகிறது.