அப்பாவுக்கு என்னாச்சு? கவுதம் ராம் கார்த்திக் விளக்கம்

நடிகர் கார்த்திக் வீல் சேரில் அமர்ந்து செல்வது போன்ற புகைப்படம் இணையதளத்தில் பரவி வருகிறது. இது மருத்துவமனையில் எடுக்கப்பட்ட புகைப்படமாகும். இது சில ஆண்டுகளுக்கு முன்பு எடுக்கப்பட்ட படம் என்றும் கூறப்படுகிறது.

இந்த படத்தை பகிர்ந்து சமூகவலைதளங்களில் பல்வேறு யூகங்ககை பரப்பி வருகிறார்கள். இதுகுறித்து அவரது மகனும் நடிகருமான கவுதம் ராம் கார்த்திக் கூறியிருப்பதாவது: அப்பா இப்போது சினிமாவில் நடிக்காததால் அவருக்கு பல்வேறு உடல்நல பிரச்னை இருப்பதாக கற்பனையாக சிலர் பேசி வருகிறார்கள். அப்பாவுக்கு இப்போது வயதாகிறது. அதனால் ஒவ்வொரு வருடமும் மெடிக்கல் செக்அப் செல்வது வழக்கம் தான். அப்படி செல்லும்போது அவரால் படிக்கட்டு ஏறமுடியவில்லை என்பதால் வீல்சேரில் அழைத்துச் செல்வோம். அந்த புகைப்படங்களை பகிர்ந்து அவருக்கு வேறு பிரச்னைகள் இருப்பதாக வதந்தி பரப்புகிறார்கள். அப்பா நன்றாக இருக்கிறார். இவ்வாறு கவுதம் கூறினார்.