பிரபாஸின் 'தி ராஜா சாப்' படத்தின் டிரைலர் இன்று வெளியாகவில்லை! வதந்தியை தெளிவுபடுத்திய படக்குழு!
விஜய் நடித்துள்ள 'ஜனநாயகன்' திரைக்கு வரும் அதே ஜனவரி 9ம் தேதி அன்று தெலுங்கில் பிரபாஸ் நடித்துள்ள 'தி ராஜா சாப்' படமும் திரைக்கு வருகிறது. மாருதி இந்த படத்தை இயக்கி இருக்கிறார். திகில் கதையில் உருவாகியுள்ள இந்த படத்தில் பிரபாஸ் உடன் மாளவிகா மோகனன், நிதி அகர்வால், ரித்திகுமார், சஞ்சய் தத் உள்ளிட்ட பலர் முக்கிய வேடங்களில் நடித்துள்ளார்கள்.
இந்நிலையில், இந்த 'தி ராஜா சாப்' படத்தின் டிரைலர் இன்று வெளியாவதாக சோசியல் மீடியாவில் ஒரு பரபரப்பு செய்தி வைரலாகி வந்தது. இதனால் பிரபாஸ் ரசிகர்களும் ஆர்வத்துடன் காத்திருந்தார்கள். ஆனால் தற்போது அப்படத்தை தயாரித்துள்ள நிறுவனம் அந்த தகவலை மறுத்துள்ளது.
அதில், 'தி ராஜா சாப் படத்தின் டிரைலர் முழுமையாக தயாரானதும் வெளியிடப்படும். சரியான வெளியீட்டு தேதி, நேரம் விரைவில் அதிகாரப்பூர்வமாக அறிவிக்கப்படும்' என்று தெரிவித்துள்ளார்கள். இதன் மூலம் இன்று அப்படத்தின் டிரைலர் வெளியாக இருப்பதாக வெளியானது வதந்தி என்பது தெரிய வந்துள்ளது.