பிளாஷ் பேக் : இயக்கத்தில் தோற்ற யூகி சேது
ADDED : 3 hours ago
யூகி சேது காமெடி நடிகராக அதிகம் அறியப்பட்டவர். காமெடியாக 'டாக் ஷோ' நடத்தி புகழ் பெற்றவர். ஆனால் அவர் ஒரு இயக்குனராகத்தான் சினிமாவில் நுழைந்தார். அவர் இயக்கிய முதல் படம் 'கவிதை பாட நேரமில்லை'. ரகுவரன், அமலா, நாசர் ஆகியோர் முக்கிய வேடங்களில் நடித்திருந்தனர். இது இந்தியில் வெளியான 'அங்குசு' என்ற படத்தின் ரீமேக். எல் வைத்தியநாதன் இசையமைத்து இருந்தார்.1987ம் ஆண்டு வெளியானது.
1991ம் ஆண்டு வெளியான 'மாதங்கள் ஏழு' என்ற படத்தில் தான் யூகி சேது முதல் முதலில் நடிகராக அறிமுகமானார். இந்தப் படத்தையும் அவர் இயக்கினார். இரண்டு படங்களுமே தோல்வி அடைந்ததால் படம் இயக்குவதை விட்டுவிட்டு நடிப்பில் கவனம் செலுத்தினார்.