கவின் 9வது படத்தில் இணைந்த சாண்டி!

நடிகர் கவின் தனது 9வது படத்தில் நடித்து வருகிறார். இதனை அறிமுக இயக்குனர் கென் ராய்சன் இயக்குகிறார். இதில் கவின் உடன் இணைந்து பிரியங்கா மோகன் நடிக்கிறார். இந்த படத்திற்கு ஓப்ரோ இசையமைத்திருக்கிறார். இதனை தின்க் ஸ்டுடியோஸ் நிறுவனம் தயாரிக்கின்றனர்.

இத்திரைப்படம் காதல், காமெடி என கலந்து பேண்டஸி ஜானரில் உருவாகிறது. தற்போது இந்த படத்தில் ஒரு முக்கியமான கதாபாத்திரத்தில் நடிக்க நடன இயக்குனர் மற்றும் நடிகர் சாண்டி இணைந்துள்ளார் என அறிவித்துள்ளனர். ஏற்கனவே கவின், சாண்டி என இருவரும் பிக்பாஸ் 3வது சீசனில் ஒன்றாக இருந்து மக்கள் மத்தியில் பிரபலமானவர்கள். இப்போது இருவரும் முதல்முறையாக இணைந்து நடிக்கவுள்ளனர் என்கிற அறிவிப்பு ரசிகர்கள் மத்தியில் எதிர்பார்ப்பை ஏற்படுத்தியுள்ளது.