மீண்டும் அப்பாவாகிறார் அட்லி

தமிழ் சினிமாவில் முன்னணி இயக்குனராக இருப்பவர் அட்லி. ஹிந்தியில் ஷாரூக்கான் நடிப்பில் ‛ஜவான்' படத்தை இயக்கி, ஆயிரம் கோடி வசூலை பெற்று தந்தார். தற்போது அல்லு அர்ஜுனை வைத்து சூப்பர் ஹீரோ பாணியில் ஒரு படத்தை பிரமாண்ட பொருட்ச்செலவில் இயக்கி வருகிறார்.

சிங்கம் உள்ளிட்ட படங்களில் நடித்த பிரியாவை காதலித்து 2014ம் ஆண்டு திருமணம் செய்து கொண்டார் அட்லி. 2023ம் ஆண்டு இவர்களுக்கு மீர் என்ற மகன் பிறந்தான். மும்பையில் இவர்கள் குடும்பத்துடன் வசித்து வந்தனர். இந்நிலையில் பிரியா மீண்டும் கர்ப்பமாகியுள்ளார். தங்கள் குடும்பத்தில் இன்னொரு புது உறுப்பினர் வர உள்ளார் என்பதை இயக்குனர் அட்லி தனது பாணியில் போட்டோ மூலம் அறிவித்துள்ளார்.

பிரியா வெளியிட்ட பதிவில், ‛‛எங்கள் குடும்பத்தில் புதிய உறுப்பினர் சேரவிருப்பதால், எங்கள் வீடு இன்னும் அதிக மகிழ்ச்சியாக மாறப்போகிறது. ஆமாம், மீண்டும் கர்ப்பமாக இருக்கிறேன்'' என குறிப்பிட்டுள்ளார்.