பார்டர் 2 உடன் துரந்தர் 2 டீசர் இல்லை : இயக்குனர் வெளியிட்ட தகவல்

ஹிந்தியில் ஆதித்யா தர் இயக்கத்தில் ரன்வீர் சிங் நடிப்பில் கடந்த டிசம்பர் மாதம் திரைக்கு வந்த படம் துரந்தர். உளவுத்துறை சம்பந்தப்பட்ட கதையில் உருவாகியுள்ள இந்த படம் 1300 கோடி வசூலித்த பிறகும் தியேட்டர்களில் ஓடிக் கொண்டிருக்கிறது. இப்படத்தின் இரண்டாம் பாகம் வருகிற மார்ச் 19ம் தேதி வெளியாக இருப்பதாக படக்குழு ஏற்கனவே அதிகாரப்பூர்வமாக அறிவித்துள்ளது.

இந்நிலையில் துரந்தர் 2 படத்தின் டீசர் நேற்று திரைக்கு வந்துள்ள பார்டர் 2 படத்துடன் வெளியாகும் என்று இயக்குனர் ஆதித்யா தர் ஏற்கனவே அறிவித்திருந்தார். ஆனால் டீசர் வெளியிடப்படவில்லை. இதையடுத்து ஆதித்யா வெளியிட்டுள்ள பதிவில், ‛‛துரந்தர் 2 படத்தின் டீசர் பார்டர் 2 படத்துடன் வெளியாகவில்லை. ஜனவரி 26ம் தேதி வெளியிடப்படும்'' என்று தெரிவித்திருக்கிறார்.