ஷாருக்கான் நடித்து வரும் 'கிங்' படத்தின் ரிலீஸ் தேதி வெளியானது!

அட்லி இயக்கிய 'ஜவான்' படத்திற்கு பிறகு 'டங்கி' படத்தில் நடித்த ஷாருக்கான் தற்போது 'கிங்' என்ற படத்தில் நடித்து வருகிறார். 350 கோடி பட்ஜெட்டில் உருவாகும் இந்த படத்தை ஏற்கனவே அவரை வைத்து 'பதான்' படத்தை இயக்கிய சித்தார்த் ஆனந்த் இயக்குகிறார். இப்படத்தில் சுகானா கான், தீபிகா படுகோனே, அபிஷேக் பச்சன், அனில் கபூர், ஜாக்கி ஷெராப், ராணி முகர்ஜி உள்ளிட்ட பலர் முக்கிய வேடங்களில் நடிக்கிறார்கள். அனிருத் இப்படத்திற்கு இசையமைக்கிறார்.

ஆக்சன் கதையில் உருவாகி வரும் இந்த கிங் படத்தின் படப்பிடிப்பு நடைபெற்று வரும் நிலையில், தற்போது இப்படம் 2026ம் ஆண்டு டிசம்பர் 24ம் தேதி திரைக்கு வர இருப்பதாக அதிகாரப்பூர்வமாக அறிவிக்கப்பட்டுள்ளது. இப்படத்தை ஷாருக்கானின் ரெட் சில்லில் என்டர்டைன்மெண்ட் நிறுவனம் தயாரிக்கிறது.