பிப்., 20ல் நேரடியாக ஓடிடியில் ரிலீஸாகும் ‛லக்கி'

நடிப்பு, இயக்கம் என மாறி மாறி பயணித்து வருகிறார் ஜிவி பிரகாஷ். தற்போது ‛லக்கி - தி சூப்பர் ஸ்டார்' என்ற படத்தில் நாயகனாக நடித்துள்ளார். அனஸ்வரா ராஜன் நாயகியாக நடிக்க, இயக்குனரும், நடிகருமான உதய் மகேஷ் இயக்கி உள்ளார். இதை கவிதாலயாவின் புஷ்பா கந்தசாமி தயாரித்துள்ளார்.

குழந்தைகளை கவரும் வகையில் இப்படம் உருவாகி உள்ளது. முதன் முறையாக இப்படி ஒரு படத்தில் ஜிவி பிரகாஷ் நடித்துள்ளார். படத்தில் நாய் ஒன்றும் முக்கிய வேடத்தில் நடித்துள்ளது. இப்படம் உருவாகும்போதே ஓடிடிக்காக எடுக்கப்பட்டது. தற்போது படத்தின் பணிகள் அனைத்தும் முடிந்து ரிலீஸிற்கு தயாராகி உள்ளது. வரும் பிப்., 20ல் நேரடியாக ஜியோ ஹாட் ஸ்டார் ஓடிடியில் தமிழ், தெலுங்கு உள்ளிட்ட 5 மொழிகளில் வெளியிடுவதாக அறிவித்துள்ளனர்.