பிப்ரவரி கடைசியில் 'அஜித் 64' படப்பிடிப்பு

'குட் பேட் அக்லி' படத்திற்குப் பிறகு அஜித், இயக்குனர் ஆதிக் ரவிச்சந்திரன் கூட்டணி மீண்டும் அஜித் 64 படத்தில் இணைகிறது. இந்தப் படம் பற்றி அவ்வப்போது ஒரு சில அப்டேட்களை இயக்குனர் ஆதிக் ரவிச்சந்திரன் கொடுத்து வந்தார். அதே சமயம் படத்தின் அதிகாரப்பூர்வ அறிவிப்பு இன்னும் வெளியாகவில்லை.

கடந்த சில மாதங்களாக அஜித் கார் ரேஸ்களில் மிகவும் பிஸியாக இருக்கிறார். துபாயில் நடந்த கார் ரேஸ்களில் அவர் கலந்து கொண்ட போது பல சினிமா பிரபலங்கள் அவரைச் சென்று பார்த்து வந்தனர். அடுத்த ஓரிரு வாரங்களில் அஜித் கலந்து கொள்ளும் கார் ரேஸ்கள் முடிவுக்கு வருகிறதாம். பின்னர் சிறு ஓய்வெடுத்துவிட்டு அஜித் 64 படப்பிடிப்பில் கலந்து கொள்ள உள்ளாராம். அநேகமாக இந்த மாதக் கடைசி முதல் படப்பிடிப்பு ஆரம்பமாகும் என்கிறார்கள்.

படத்தின் கதாநாயகி, மற்ற நடிகர்கள் நடிகைகள், இசையமைப்பாளர், மற்ற தொழில்நுட்பக் கலைஞர்கள் குறித்த அறிவிப்பு படப்பிடிப்பு ஆரம்பமாவதற்கு சில நாட்கள் முன்னதாக வெளியாகும் எனத் தெரிகிறது.

வெளிவர உள்ள 'ஜனநாயகன்' படத்துடன் விஜய் சினிமாவை விட்டு விலக உள்ள நிலையில் எந்தப் போட்டியும் இல்லாத சினிமா பயணம் அஜித்திற்கு ஆரம்பமாக உள்ளது.